Prokuroria e Durrësit ka mbledhur prova në çdo pallat të dëmtuar për shkak të tërmetit të 26 nëntorit, ku priten dhe arrestimet e para për ndërtuesit pasi shkeljet duket të jenë të mëdha.
Prokuroria e Durrësit kishte nisur që më datë 29 nëntor çështjen penale për tërmetin nga i cili janë shembur disa ndërtesa duke shkaktuar vdekjen e 25 personave vetëm në këtë qytet.
Bilanci përfundimtar i tërmetit ishte 52 të vdekur dhe rreth 1 mijë të lënduar.
Prokurorët dyshojnë se shkak për shembjen e godinave janë bërë ndërtimet pa leje, por edhe moskryerja e detyres nga inxhinierët zbatues si dhe nga mospërmbushja e rregullt e detyrës nga nëpunësit shtetërorë të ngarkuar me mbikëqyrjen e këtyre ndërtimeve.
