Pas urdhrit për t’u mbajtur një kontribut nga pagat policëve dhe mësuesve për familjet e prekura nga tërmeti ka reaguar ashpër ish-deputetja e Partisë Demokratike Albana Vokshi.
Vokshi e cilëson skandaloz urdhrin dhe thotë se në vend t’u heqë 150 mln dollarë oligarkëve, Rama iu mban lekët e rrogës policëve dhe mësuesve.
Ish deputetja kërkon anulimin e akteve me urgjencë ndërsa shprehet se shqiptarët janë vetë solidarë.
“Urdhër skandaloz! Edi Rama nuk u heq 150 milionë USD oligarkëve të vet, por mban me Urdhër lekët e rrogës së policëve dhe mësuesve.
Aktet duhet të anulohen me urgjencë!
Shqiptarët janë vetë solidarë, i ndihmojnë siç i kanë ndihmuar vetë deri më sot vëllezërit dhe motrat e tyre”, deklaron Vokshi.
