Të paktën 12 persona kanë humbur jetën dhe 40 të tjerë janë lënduar, pasi një tërmet i fuqishëm me magnitudë prej 6.4 ballë i shkallës Rihter, goditi ishullin turistik Lombok në Indonezi.
Dhjetëra shtëpi gjithashtu janë shkatërruar. Autoritetet shtojnë se numri i viktimave pritet të rritet, duke theksuar se “ende jemi duke mbledhur të dhëna”.
Tërmeti i fuqishëm është shoqëruar edhe me disa lëkundje më të vogla. Ishulli Lombok është një destinacion mjaft popullor turisitik dhe gjendet rreth 40 kilometra në lindje të ishullit Bali.
