Turqia u goditet mesditën e sotme nga një tërmet i fuqishëm, me magnitudë 7 ballë, epiqendra e të cilit ishte në ishullin Samos të Greqisë dhe detin Egje, ka lënë pas dëme të mëdha në njerëz dhe ndërtesa.
Në Izmir, qyteti më i goditur nga tërmeti shkatërrues, ka nisur tashmë operacioni i shpëtimit. Nga informacionet e para zyrtare, konfirmohen deri më tani 4 viktima dhe 120 të plagosur.
Dhjetëra objekte atje janë shembur, ndërsa deri më tani është nxjerrë e gjallë nga rrënojat një grua. Të shumtë raportohet të jenë personat që kanë mbetur poshtë pallateve të shembura.
Agjencia e kërkim-shpëtimit i bën thirrje qytetarëve të mos futen nëpër banesat e tyre.
Lëkundja e fortë është pasuar edhe nga lëkundje të tjera me magnitudë nga 3.6 deri në 4.5.
Lëkundjet janë ndjerë në Stamboll, Izmir, Çanakkale, Denizli dhe Bursa. Qendra e tërmetit që u ndie në shumë provinca u njoftua si İzmir Karabağlar.
