Një tërmet i fuqishëm goditi pak më parë zonën e Larisas në Greqi. Lëkundjet e tërmetit zgjatën për disa sekonda duke shkaktuar alarm tek banorët, ndërsa nuk dihet ende nëse kanë shkaktuar apo jo dëme në zonën përrëth epiqendrës.
Autoritetet greke raportojnë se magnituda e tërmetit ishte 5.9 e shkallës Rihter, por thellësia e vogël, prej vetëm 10 kilometra bëri që të ndjehej në mjaft zona.
Sa i përket magnitudës ka raportime të tjera siç është ajo e Qendrës Mesdhetare për Studimin e Tërmeteve që thekson se bëhej fjalë për një magnitudë 6.2 të shkallës Rihter, megjithatë janë autoritetet lokale ato që kanë përparësi në këtë rast pasi kanë matësit më pranë epiqendrës.
Raportohet se lëkundjet u ndjenë edhe në mjaft qytete të Shqipërisë, përfshir edhe Tiranën.
Mediat greke raportojnë se lëkundjet e forta sollën panik tek qytetarët, të cilët dolën menjëherë në rrugë.
