Bindja Demokratike, forca më e re politike shqiptare është gati për t’u regjistruar në Gjykatën e Tiranës, pasi tashmë ka rreth 3 mijë firma.
Mësohet se deputetja Rudina Hajdari është tërhequr përkohësisht duke i lënë drejtimin e partisë ish nënkryetarit të Partisë Demokratike, Astrit Patozi.
Deputetja që kryeson grupin e ri demokrat në parlament pati një takim me Patozin të shtunën për të diskutuar mbi detajet e grupimit të ri politik, por burimet thonë se në momentin final, ajo ka hezituar për të qenë në krye të partisë dhe ka kërkuar më tepër kohë.
Teksa pritet zyrtarizmi i emrit të kryetarit, Bindja Demokratike ka formalizuar bordin e saj, në të cilin bëjnë pjesë ish-anëtarë të Këshillit Kombëtar të Partisë Demokratike, si Endira Bushati, Leonard Olli, Fabian Topollaj, apo dhe Ardian Kollozi.
Ditën e martë është dhe afati i fundit që partit politike të regjistrohen për në Komisionin Qendror të Zgjedhjeve për garën elektorale të 30 Qershorit, gjë e cila nën kupton se Bindja Demokratike do ti formalizojë procedurat ligjore para përfundimit të afatit.
Burimi: /tvklan.tv/
