Zëvendës ministrja e Brendshme Rovena Voda ka njoftuar oraret e reja për të tërhequr dokumentat biometrike.
Përmes një video-mesazhi, ajo bën me dije se fasha e zgjatjes së orarit me dy orë nga 08:00-14:00 që ishte, tani bëhet nga 08:00-16:00.
“Ministria e Brendshme prej dy javësh ka filluar shpërndarjen e dokumenteve biometrike, pra kartave të identitetit dhe pasaportave biometrike, në të gjitha zyrat e shpërndarjes në territorin e Shqipërisë. Dua të them që deri tani shpërndarja e këtyre dokumenteve ka vijuar normalisht.
Qytetarët lajmërohen përmes një sms-je për orarin që duhet të paraqiten në zyrat e aplikimit për të tërhequr pasaportat apo kartat e identitetit, por ju lutem duhet të respektoni dhe masat mbrojtëse, sipas mesazhit që ju vjen në telefonin tuaj. Qytetarët duhet të jenë të pajisur me maska mbrojtëse, doreza dhe të ruajnë distancën në zyrat ku paraqiten për kartat e identitetit apo pasaportat. Gjatë këtyre dy javëve fashat e orarit kanë qenë 08:00 deri në 14:00, por do tashmë duke nisur nga kjo javë, fasha e orarit do të nisi në orën 08:00, deri në 16:00 në mënyrë që të kemi mundësi për t’u gjendur më pranë qytetarve dhe brenda një afati të shkurtër për të shpërandarë sasinë e mbetur e të kartave të identitetit dhe pasaportave”, u shpreh Voda.
