Policia ka arrestuar një person ndërsa është shpallur në kërkim bashkëpunëtori i tij, pas një tentative për të grabitur me armë zjarri një kazino në periferi të Tiranës.
Ngjarja ka ndodhur rreth orës 4:10 të mëngjesit të kësaj të diele, në një kazino në zonën e Kinostudios.
Policia ka arrestuar shtetasin Armando Demiri, 30 vjeç nga Tirana, ndërkohë që është shpallur në kërkim shtetasi D.S., 29 vjeç po nga Tirana.
Personi i shpallur në kërkim dyshohet se ka qenë i armatosur me një armë të tipit pistoletë, dhe pas largimit nga vendngjarja janë ngritur pika të shumta kontrolli.
