Mbrëmjen e djeshme një 20-vjeçar ka rënë në prangat e policisë për veprën penale “Vrasja me paramendim” e mbetur në tentativë dhe “Armëmbajtja pa leje”.
Sipas policisë 20 vjeçari K.K., pas një konflikti ka tentuar të vrasë me armë zjarri, 37-vjeçari J.P., banues në Shkodër.
Mësohet se konflikti ka ndodhur për motive të dobëta, ku 20-vjeçari ka qëlluar me armë zjarri në drejtim të shtetasit J.P., por pa i shkaktuar dëme trupore. Shërbimet e Policisë sekuestruan dhe armën e zjarrit pistoletë me silenciator.
