Ministri i Jashtëm italian, Angelino Alfano ka përcjell një mesazh ku thotë se Bashkimi Europian duhet të afirmojë rolin si partner në Ballkanin Perëndimor.
Në një vizitë në Tiranë Alfano është takuar me ministrin e Jashtëm Ditmir Bushati, ku gjithashtu bëri apel për kujdes me retorikat nacionaliste.
“Ballkani Perëndimor ka një rëndësi strategjike për të gjithë Europën. Jemi duke asistuar në një shfaqje progesione të tensioneve në vendet e rajonit që është shoqëruar nga ana e disa liderëve politikë dhe nga një retorikë nacionaliste, për këtë BE duhet të riafirmojë rolin e vet si partner kryesor në të gjithë këtë rajon dhe të dërgojë një mesazh të fortë konkret impenjimi në të gjithë Ballkanin Perëndimor.
Ne mbështesim proçesin e reformave të Shqipërisë që përkojnë me 5 pikat, e ashtuquatura prioritete kyçe. Unë nuk mund të futem në dinamikën politike të një vendi tjetër sepse është një vend i lirë dhe sonvran”, tha Alfano.
Ministri i Jashtëm Ditmir Bushati e quajti thelbësore jo vetëm për integrimin në BE, reformën në drejtësi ndërsa i bëri apel opozitës të sillet në përputhje me angazhim të përkthyer në votë në mënyrë unanime më 21 korrik 2016.
