Protestuesit e shoqatës “Çamëria”, mbështetesit e PDIU janë bllokuar gjatë rrugës drejt kryeministrisë nga policia, ku shihen momentet e përplasjes mes aktivistëve dhe efektivëve, ndërsa janë shoqëruar me dhunë disa prej tyre.
Nga protesta, sekretarja e përgjithshme e PDIU, Mesila Doda u shpreh e revoltuar pasi janë arrestuar 24 persona me urdhër direkt nga ministri Lleshi.
Doda shton se sot është shkelet çdo e drejtë në kushtetutë, si dhe e drejta për të protestuar.
“Po shkelet çdo e drejtë në kushtetutë, e drejta për protest është shkelur dhe janë keqtrajtuar dhe janë 24 persona të arrestuar. Janë persona që nuk kanë kryer asnjë akt vandalizmi arrestohen dhe ndalohen me urdhër direkt nga drejtuesit e rendit, më sakt me urdhër të ministrit Lleshi.Ministri Lleshi do njihet si një njeri që ka përdorur gaz lotsjellës, ka përdorur dhunë ka përdorur aktet më të ulta që i ka shtyr forcat policore për të përdorur dhunë ndaj grave, vajzave dhe burrave të moshuar të cilët kanë dal aty për të kërkuar të drejtat e tyre. Ky është një rekord i turpshëm për policinë e shtetit që kanë bërë sot. Sot arriti kulmi pasi na than se kjo është e jashtyligjshëm, jemi në kufirin e një qeveri të diktaturës, vetëm në si shtet nuk lëvizim dot, duhet të ngrihemi dhe të kërkojmë të drejtat tona”, është shprehur Doda.
https://www.facebook.com/faxweb.al/videos/715193719079699
