Propozimi i ministrit aktual të Punëve të Jashtme, Ivica Daçiç, për të marrë postin e kryetarit të ardhshëm të kuvendit të Serbisë ka ngjallur shumë kundërshti dhe përplasje në seancën e Kuvendit nga deputetet e Luginës së Preshevës.
Deputetët e listës “Lugina e Bashkuar–SDA Shanxhak” kanë kundërshtuar propozimin e socialistëve, pasi sipas tyre Daçiç nuk është simbol i demokracisë. Në një prononcim për mediat, deputeti shqiptar Shaip Kamberi ka deklaruar se ai bashkë me deputetët e tjerë të listës nuk do e mbështesin propozimin.
