Ditën e sotme situata tek protesta e banorëve të Unazës së Re është shoqëruar me tensione, kjo për shkak edhe arrestimeve të tre prej protestuesve mëngjesin e sotëm.
Dje policia arrestoi tre persona për “bllokim rrugësh” ndërsa ditën e sotme banorët zhvilluan një protestë në Drejtorinë e Policisë së Tiranës, ku kundërshtuan veprimin e autoriteteve.
Si çdo mbrëmje tjetër, banorët kanë shpalosur pankarta si dhe kanë lëshuar thirrje ndaj qeverisë dhe bashkisë së kryeqytetit kundër projektit që prek banesat dhe bizneset e tyre, një projekt të cilin ata e konsiderojnë si korruptiv.
Në mbështetje të banorëve kanë qenë edhe disa ish-deputetë të opozitës, ndër ta edhe Klevis Balliu, që ka ftuar të gjithë qytetarët të mbështesin këta banorë të cilët po luftojnë për shtëpitë e tyre.
https://www.facebook.com/faxweb.al/videos/639838893206642/
