Një tjetër artist i zhgënjyer nga Shqipëria i cili vendos të largohet përfundimisht nga vendi.
Përmes një letre, tenori i mirënjohur Agim Hushi ka deklaruar se i vjen turp që është bashkëkombas me njerëzit e një vendi që po jep shpirt në duart e një kaste kriminele, ku vlerë kanë vetëm hajdutët, maskarenjtë, injorantët, baballarët tanë të kombit me hundët zbardhur nga kokaina.
Ai njofton se braktis përfundimisht Shqipërinë ndërsa falenderon vendin që ka zgjdhur të vijojë jetën e karrierën, Australinë.
Letra
Së fundmi rikthimi në qytetin tim, atje ku filloi karriera ime; në Sydney Opera!
Ndihem kaq i lumtur dhe krenar për këtë rikthim dinjitoz si qytetar australian!
Pas një viti qesharak më së fundmi erdha dhe unë tek termat seriozë të realitetit të një atdheu të dështuar, që është kapur për fyti dhe po jep shpirt në duart e një kaste kriminele, ku vlerë kanë vetëm hajdutët, maskarenjtë, injorantët, baballarët tanë të kombit me hundët zbardhur nga kokaina !
Më bëtë të më vijë turp nga vetja që jam bashkëkombasi juaj!
Më dhemb që ai popull i mirë ka marrë pothuaj lehtesinë e një kopeje delesh për t’u çuar buzë greminës dhe kujtesa historike i është kthyer në një histeri politike të skajshme dhe pa asgjë që të kujton qytetrimin të cilit i përkasim!
Duke lënë pas sukseset e mëdha të një sheshi qesharak me majë dhe ujëra që rrjedhin si përrenj psiqikë të sëmurë dhe tregun e ri po ju prezantoj pamje të botës së lirë ku emrin e kryetarit të bashkisë së një qyteti 5 milionësh s’e di askush dhe ku kryetari i shtetit mban përgjegjësi edhe për mënynë e pensionistëve!
Të një shteti që po përgatitet të dërgojë së shpejti 4 banorët e parë të përjetshëm tokësorë në Mars!
Lamtumirë Shqipëri!
Faleminderit Australia ime!!!
