UKT është një nga ato institucione në Tiranë ku qarkullojnë shumë pra dhe vjel sasi të konsiderueshme taksash nga qytetarët. Por, sërish mbetet në cilësi të dobët shërbimi dhe uji nuk pihet fare.
Edhe në këto zgjidhje që kaluam kryetari i Bashkisë Tiranë përmendi se bashkia po vazhdon projektin që të furnizojë me ujë të pijshëm të gjithë qytetin 24 orë. Në fakt ky premtim është bërë refren në çdo zgjedhje. Por, edhe në ato pak orë që ka ujë, ai nuk është i pijshëm.
Ky fakt denoncohet shpesh në media, por Veliaj fajëson këto të fundit se po mashtrojnë. Ndërkohë kreu i UKT, Elton Kacidhja merret me afera të tjera.
Këtë herë ai ka hapur një tender me vlerë 1.4 miliardë lekë. Që në përshtypjen e parë mendon se do të bëhet investim për pastrimin e ujit, në fakt Kacidhja do të blejë tuba.
Kaq shumë para për tuba, vetëm UKT mund të jap shpjegim. Por, për aq kohë sa askush nuk iu kërkon llogari aferat vazhdojnë.
Tenderi është mbyllur më datë 25 maj dhe fituese është shpallur firma “ALPHA SOLUTIONS GROUP” sh.p.k. E cila, sipas dokumentit do të shesë tuba deri në fund të këtij viti.
Ndërkohë, kjo aferë merr përmasa edhe më të mëdha kur vëmë re se lëvrimi i 1.4 miliardë lekëve është firmosur në shkelje të ligjit.
Open Data Albania i ka dhënë “Flamurin e Kuq” këtij prokurimi sepse ka shpallur fetusin pa zhvilluar garën sipas ligjit. Katër firma kanë paraqitur ofertat për të marrë pjesë në këtë garë, por tre prej tyre janë skualifikuar që në fazën e parë, pavarësisht se kishin oferta më të lira.
Në këto kushte, pa konkurrencë fare, fitorja iu dha në tavolinë kompanisë “ALPHA SOLUTIONS GROUP” sh.p.k, në pronësi Aleksandër Stavre.
Çka tregon qartë që 1.4 miliardë lekë po vidhen, ku një përqindje sigurisht do ta marrë edhe vartësi i Veliaj, në këmbim të kontratës që i dhuroi Stavres.
Lexo edhe: Kacidhja i UKT-së hap tender 22 mln lekë për mirëmbajtjen e call center-it
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
