Mesazhi prekës i bashkëshortes së kantautorit të talentuar shqiptar, artistin që nuk e deshi komunizmi
Mes lotësh e dhimbjes, Tefta Radi i ka dhënë sot lamtumirën e fundit njeriut të saj të dashur, bashkëshortit Françesk Radi. Një mesazh falenderimi për të pranishmit në funeralin e Frankos, Tefta Radi ka shprehur dhimbjen dhe dashurinë për njeriun që e kishte dashur në atë kohë kur askush nuk i afrohej. Një mesazh me të vërtetë prekës nga Tefta Radi, ka emocionuar të pranishmit që ishin aty për të përcjellë për në banesën e fundit, kantautorin e talentuar shqiptar Françesk Radi.
Dhimbje e lot e kanë pasuar mesazhin e Teftës, e cila rrëfeu në pak fjalë, jetën mes vështirësive dhe dashurisë me njeriun që nuk e deshi komunizmi.
“Dua thjesht t’ju përshëndes, t’ju falënderoj për respektin ndaj Frankos, dua të them se unë u dashurova me Frankon atëherë kur të tjerët kishin frikë t’i flisnin dhe prej tij u bëra kopje e tij, mësova si të dashuroj, si të punoj dhe si të kem dinjitet. Faleminderit të gjithëve për reapektin”, tha ajo e përlotur dhe me zërin që i dridhej.
http://www.dailymotion.com/video/x5h8y14_video-1491301423_news#tab_embed
