Në plazhin në Radhimë ku sot një person i paidentifikuar ka qëlluar me armë zjarri, ishin duke pushuar edhe turistë. Njëri prej tyre nga Norvegjia, dëshmitar i ngjarjes ka treguar momentin kur pushuesit kanë dëgjuar të shtënat dhe më pas janë larguar me vrap.
“Dëgjuam të shtënat dhe të gjithë ia futën vrapit. Mbase ishin 2-3 të shtëna. Nuk pamë nëse është lënduar ndonjëri. Kisha frikë por tani kaloi”, ka thënë ndër të tjera turisti norvegjez.
Ngjarja u raportua rreth orës 12:30, në Radhimë. Një person ende i paidentifikuar në rrethana ende të paqarta, ka qëlluar me armë zjarri. Policia po kryhen verifikime për të parë nëse ka persona të plagosur.
Nuk dihet ende nëse kemi të bëjmë me një atentat apo ngjarja ka ndodhur si pasojë e një konflikti të çastit.
