Mbrëmjen e sotme të shtëna me armë zjarri janë raportuar në qytetin e Shkodrës, ku një person ka mbetur i plagosur. Mësohet se ngjarja ka ndodhur në lagjen “Perash”, ku policia përmes një telefonate anonime, është njoftuar se në lagjen “Perash” të Shkodrës ishin dëgjuar të shtëna armësh.
Nuk dihen ende rrethanat, ndërsa mësohet se në spital ka shkuar me plagë shtetasi Edis Reçi, i cili ndodhet jashtë rrezikut për jetën.
Mësohet se Reçi është paraqitur në spital dhe më pas spitali ka njoftuar policinë.
Nga ana e bluve të Shkodrës po punohet për zbardhjen e plote si ka ndodhur ngjarja.
