Një atentat me armë zjarri ka ndodhur pak minuta më parë në qendër të qytetit të Rrëshenit. Policia njofton se nga të shtënat ka mbetur i vdekur 47 vjeçari Kastriot Reçi.
Ai është dërguar në spital në gjendje të rëndë ku edhe ka ndërruar jetë. Ngjarja ka ndodhur para lokalit të tij në qytetin e Rrëshenit.
Njoftimi i policisë
Mirditë/Informacion paraprak
Sot, rreth orës 11:05, në afërsi të një lokali në Rreshen, Mirditë,në rrethana ende të paqarta është vrarë me armë zjarri shtetasi K.R., 47 vjeç
Grupi hetimor po punon për zbardhjen e rrethanave të ngjarjes me qëllim identifikimin dhe kapjen e autorit/eve.
Shërbimet e Policisë të D.V.P. Lezhë, të Komisariatit të Policisë Mirditë, po krehin zonën si dhe janë ngritur pika kontrolli për kapjen e autorit/eve.
