Një atentat me armë zjarri ka ndodhur pak minuta më parë në rrugën “Petro Cani”, pranë Pediatrisë në QSUT.
Autorët kanë qëlluar me pesë plumba Devi Kasmi rreth 41-vjeç, i cili ka humbur jetën në vend. Ndërkohë që bëhet e ditur paraprakisht se autorët, dyshohet dy, kanë qenë me një motor dhe me skafandër. Duke përfituar edhe nga errësira, ata janë larguar me shpejtësi në drejtim të zonës së Freskut.
Ngjarja ka ndodhur 50 metra larg spitalit të pediatrisë në një rrugicë të ngushtë dhe të errët. Ndërkohë, e gjithë ngjarja është parë nga dy infermiere të cilat kanë qenë duke kaluar në rrugën ku ndodhi atentati. Policia ka shoqëruar tre persona për t’i marrë në pyetje.
Ngjarja ka ndodhur rreth 100 metra larg godinës së Shërbimit Informativ Shtetëror. Autorët mbeten ende në arrati, ndërkohë që policia ka ngritur postblloqe në akset hyrëse dhe dalëse të Tiranës.
http://shqiptarja.com/home/1/tiran–ekzekutohet-me-pes—plumba-nj–41-vje-ar-detaje-465919.html?pos_1
