Sekretari i Përgjithshëm i Partisë Demokratike, Gazment Bardhi ka publikuar një tjetër dokument ditën e sotme i cili sipas Bardhit fakton se Kajmaku është i njëjti person me Jorgo Toton.
Gjatë deklaratës për shtyp, Bardhi u shpreh se ky dokument vërteton akuzat e ngritura të PD-së ndaj kryebashkiakut socialist Agim Kajmaku ndërsa kërkoi shkarkim të menjëhershëm nga detyra si kryebashkiak i Vorës.
“Konfirmohet zyrtarisht se Agim Kajmaku i Bashkisë së Vorës është Jorgo Toto, i denoncuar nga Partia Demokratike.
Me ndihmën e Edi Ramës, Agim Kajmaku mundi të thoshte se nuk ishte Jorgo Toto. Sot denoncimi i PD është provuar nga prokuroria, e cila me shkresën e datën 28 ka provuar denoncimin. Rezulton që shkresa e bërë, rezulton që me gjurmët e gishtërinjëve të Agim Kajmakut dhe gjurmët e gishtërinjëve të Jorgo Toto kanë identifikim të plotë. Këto gjurmë verifikojnë se janë i njëjti person.
Pra konfirmohet se shtetasi Agim Kamaku i njohur si Jorgo Toto ka qenë në Greqi dhe është dënuar. Në konkluzion organi i prokurorisë ka konfirmuae se shtetasi Agim Kajmaku përfshihet në pikën tre të Kuvendit të Shqipërisë. Pas këtij vendimi të organit të prokurorisë tashmë çdo alibi nga Edi Rama është rrëzuar. Ne e kemi të qartë që Edi Rama e di, por shkarkimi nga detyra e kryebashkiakut të Vorës nuk është më në dorë të Ramës, por që duhet të ndodh.
Ndëshkimi i zytarëve të lartë është një nga kushtet e Bundestagut për integrimin evropian. Kjo është edhe një provë që Rama duhet të vijoj apo jo t’i hap dyert e Shqipërisë si gjithë Europës”, u shpreh Bardhi.
