Ashtu siç të mahnit natyra e bukur e fshatit mes të cilit qëndron shtëpia, me po atë intensitet ther varfëria e famijes Myrta në Postribë të Shkodrës..
Kryefamiljari u burgos në kohën e diktaturës së bashku me të vëllanë sepse refuzoi t’i nënshtrohej sistemit. Por ai fat i pafat e ndoqi më pas gjithë jetën.
“Edhe në këtë sistem jemi luftuar gati si në kohën e komunizmit”, tregon kryefamiljari Ymer Myrta.
7 vitë më parë familjes fatkeqe iu dogj banesa dhe askush nuk i ndihmoi. Myrta tregon se nuk ka kërkuar ndihmën e askujt për të ushqyer 7 të vegjlit e tij, por tashmë që njëri rrezikon shikimin pas një dëmtimi duke luajtur, ai “dorëzohet”, apelon për ndihmë.
Drita e syrit të të birit e bën të shtrijë dorën…ndoshta drejt një bote të verbuar nga dielli i bollëkut.
