Për të moshuarit nuk mund të ketë gjë më të tmerrshme se sa vetmia. Këtë e dëshmojnë më së miri të moshuarit japonezë të cilët preferojnë më shumë burgun se sa lirinë në vetmi.
Burgosja vullnetare në këtë vend ka arritur shifra shqetësuese për qeverinë. “Më pëlqen më shumë jeta në burg. Gjithmonë ka njerëz”, thotë një 80-vjeçare.
Në kombin më të vjetër në botë, një në pesë të burgosur është mbi 65 vjeç, ndërsa për shumë prej tyre shkeljet janë të vogla.
Nëntë nga dhjetë gra janë pas hekurave për vjedhje të vogla në dyqane. “Burri im vdiq vitin e kaluar. Nuk kishim fëmijë dhe mbeta vetëm. Në supermarket vodha një pako mishi”, tregon një e moshuar.
