Kreu i grupit parlamentar të LSI-së, Petrit Vasili si një nga zërat më të fortë opozitarë të qeverisë së re vijon të sulmojë ashpër kryeministrin Edi Rama.
Ai fajëson Ramën për të mbyturit në plazhe duke u shprehur se atij nuk i dhemb për qytetarët që humbin jetën ndërsa është i zënë duke vlerësuar me nota.
Përmes një postimi në rrjetin social Facebook, Vasili shton më tej se edhe Agjencia e Bregdetit që është përgjegjëse meriton notën zero pas zero pas tragjedive që s’ kanë të mbaruar dhe pas plazheve të ndotura
Status i plotë i Petrit Vasilit
“Tragjike mbytjet e qytetarëve në plazhet e Shqipërisë. Vetëm kryeministrit, këtij që vë nota, nuk i dhemb për qytetarë që humbin jetën në këto plazhe.
Kjo Agjencia e Bregdetit që ka pargjegjësi dhe detyrë ruajtjen e bregdetit dhe qytetarëve që frekuentojnë plazhet, notën e ka zero pas tragjedive që s’ kanë të mbaruar dhe pas plazheve të ndotura. Këtë notë ia vënë përditë mijëra qytetarë.
Po këta që marin zero nuk largohen, njësoj si kryeministri në Trieste edhe ky i agjencisë së bregdetit.
Ndaj gajasuni, por edhe indinjohuni me notat që vë kryeministri zero, që adhuron zeron dhe zeroxhinjtë.
