Taulant Balla akuzoi ish-kryeministrin se kishte montuur foton e tij me Maksim Beçon, por Berisha ka publikuar sot videon nga ku është shkëputur imazhi.
“Ja Taulant Bego/Jaris që betohej dje se është e montuar foto e tij me bossin e kokainës, Maksi Beço të arrestuar në vitin 2015 nga policia për kokainë! sb”, ka shkruar Berisha sot.
https://www.facebook.com/SaliBerisha/videos/1954316994874460/
Ish-kryeministri Berisha ka publikuar dje një fotografi të Taulant Ballës me Maksin Beçon. “Taulant Bego/Jaris me bosin e kokainës Maksim Beço të arrestuar nga policia për trafik kokaine në vitin 2015! sb”, shkruante ish-kryeministri dje.
Ndërsa Balla ka postuar disa foto të Bashës, ku i shkruan Berishës që t’i tërheqë vëmendjen ‘’djalit” pasi del në foto me persona të arrestuar për drogë.
‘’Luftë politike me fotografi? Sali mblidh “tët bir” Lulin se sa më sollën njerëzit e tu në PD disa fotografi më një të arrestuar për drogë. Sqarohuni vetë me njëri-tjetrin, se të merresh me ty është si ti thush Ver Llapës mos pengo makinat tek Rruga e Kavajës”, shkruan Balla.
Në luftën virtuale me Berishën, Balla gjithashtu ka shpërndarë një postim të atij që ish-kryeministri e quan “Bossi i kokainës”, Maksim Beço, ku shkruhet: “Sali Berisha, Maksi Beca jam, të kam pas idhull. Nuk e prisja që do më bëje mik me zor të këtij ushtarit të Edi Ramës. Nuk e kam taku nojhere këtë Taulantin e PS. Sa kohë kam qenë në Shqiperi kam votuar vetëm për ty. Nuk e prisja që ti një ditë do merreshe me mua.”
Taulant Balla ka shpërndarë këtë postim, në përshkrimin e të cilit shkruan:
“O Sali zgjidhe vetë me këtë mbështetësin tënd, lëri montazhet se mirë Luli u dogj me babalet. Po aman mos u digj edhe ti sepse ti ke punë me drejtësinë, nuk do ta hedhësh lehtë: hajt se burri i vjetër”.
