Ish-mbrojtësi i Inter, Taribo Uest, ka habitur me një deklaratë të tij.
41-vjeçari ka zbuluar që ai ka praktikuar rituale që kanë të bëjnë me magjinë e zezë në kohën kur luante futboll.
Madje, ai pretendon se ka akoma lojtarë dhe trajnerë që i kryejnë këto rituale.
“Natyrisht që kam qenë i përfshirë, nuk e di pse njerëzit nuk flasin për përfshirjen e tyre nëpër rituale Voodoo-je,” thotë Uest.
“Futbolli ka të bëjë shumë me fuqitë shpirtërore.
Në ndeshje të mëdha, ti sheh stadiumin, sheh njerëz, tifozët që kërkojnë çfarëdolloj gjërash; magjistarët janë aty, Voodoo-istët janë aty.
Gjatë kohës kur unë luaja futboll merrja me vete disa “mallams” dhe “babalaëos” (njerëz spiritual) që të na sillnin fat të mirë.
Ndonjëherë funksiononte ndonjëherë jo,” vijon nigeriani.
“Unë e kam parë, e kam përjetuar, kam qenë me lojtarë që e kanë përdorur, edhe unë e kam përdorur.
Pra, pse njerëzit e refuzojnë? Ka rituale në futboll edhe sot e kësaj dite”, thotë Uest, që tashmë është kthyer në një pastor, shumë larg nga eksperiencat e shkuara me magjinë e zezë.
“Unë kaloj shumicën e kohës në shtëpinë time duke medituar.
Unë thjesht dua të përhap fjalën e Zotit sipas mënyrës sime. Pasi pata takimin tim me Zotin unë kam rilindur. Zbulova se atë fuqi ishin në fakt të pafuqishme. Ishte një skemë mashtrimi për të fituar para.”
