Drejtori sportive i Lacios, Igli Tare, është shprehur i penduar përse nuk pranoi ta shiste brazilianin Felipe Anderson në merkaton e verës.
Junaited ofroi plot 50 milion euro për Anderson, por oferta u refuzua nga ana e Lacios.
Dhe, tashmë drejtuesit e saj janë penduar, duke qenë se Anderson po zhvillon një kampionat shumë të dobët dhe e ka humbur vendin e titullarit në ekip.
Për pasojë, edhe vlera e kartonit të tij ka rënë ndjeshëm dhe Lacio nuk mund ta shesë më me ato shifra.
“Unë i kam ndjekur transferimet e skuadrave të tjera, të cilat vendosët të shisnin disa nga lojtarët më me vlerë që kanë. Ndodhi te Juventus, Roma, Inter dhe Napoli. Duhet të jenë një shembull për ne.
Unë e kuptoj që kur shet një lojtar, paratë e fituara i investon për të forcuar skuadrën.
Mbase kemi gabuar që nuk kemi pranuar të shisnim asnjë nga lojtarët tanë.
Por arsyeja ishte sepse deshëm të vazhdonim projektin tonë me të njëjtin grup lojtarësh pas një sezoni të mirë”, tha Tare.
