Kapiteni i Mançester Junaited, Uejn Runi, ka marrë në mbrojtje trajnerin Luis Van Gal.
Ai thotë se fajtor për këtë sezon të dobët të Junaited, janë lojtarët.
“Është një grup shumë i mirë lojtarësh.
Disa herë jemi paraqitur në mënyrë mjaft zhgënjyese.
Dhe, në fakt, trajneri ka marrë më shumë përgjegjësi se i takon për disa ndeshje.
Ne jemi lojtarët që luajmë në fushë dhe ne kemi për të detyrë të zbatojmë porositë e trajnerit.
Disa herë në këtë sezon nuk e kemi bërë këtë. Ne kemi marrë ndoshta pak kritika, ndërsa ato kanë shkuar për trajnerin.
Por, e përsëris, jemi ne. Lojtarët, që luajmë në fushë.
Duhet të krijojmë shanse dhe t’i fitojmë ndeshjet. Fatkeqësisht, nuk e kemi bërë këtë gjë mjaft në këtë sezon”, tha Runi.
Junaited rrezikon që të mos marrë pjesë në Champions League sezonin e ardhshëm, pasi ka treguar një gjendje shumë të dobët dhe paqendrueshmëri rezultatesh.
Kjo do të ishte një goditje e madhe për klubin, që sezonin e ardhshëm pritet të drejtohet nga ana e portugezit Hoze Murinjo.
