Kryetari i PDIU-së, Shpëtim Idrizi ka zhvilluar sot një takim me presidentit e vendit Ilir Meta në kuadër të konsultimeve që po mbahen për datën e re të zgjedhjeve.
Pas takimit, Idrizi tha se nuk është momenti për të biseduar për një detaj të tillë, po për tu ulur dhe për ti dhënë zgidhje krizës politike në vend. Kryetari i PDIU-së u shpreh se e vlerëson aktin e Presidentit të zhdekretimit të datës 30 qershor për ti dhënë forcave poltike kohën e duhur.
“Vendi po rrëshket në autoritarizëm. Ndamë me Presidentin shqetësimin për situatën e rëndë në të cilën ne ndodhemi. Vlerësojmë aktin e Presidentit të zhdekretimit të datës 30 qershor për ti dhënë forcave poltike kohën e duhur, ku po rrezikohet edhe fitoret më të mëdha të demokracisë së 30 viteve siç është pluralizimi politik apo edhe liberalizmi i vizave, por i bëmë të qartë Presidentit që nuk është koha të diskutojmë datën e zgjedhjeve, por është koha që të ikim nga marria dhe spiralja ku jemi futur, një spirale që po e nxjerr vendin jashtë shinave konstitucionale shoqërore dhe civile, por është koha dhe momenti që koka e nxehta që kanë në dorë zgjidhjen, është koha dhe momenti që ti thërresim arsyes që ti japim zgjidhje vendit dhe ti kthehemi normalitetit”- tha Idrizi.
