Ish-kryeministri Sali Berisha ka zbardhur detaje nga takimi dhe negociatat e zhvilluara mes Komisionit te Rithemelimit dhe kryetarit të komanduar të PD Enkelejd Alibeaj dhe Sekretarit të Përgjithshëm të PD, Gazment Bardhi. Ai tha se në diskutim kërkoi angazhimin e tyre në procesin e bashkimit të PD, kontributin e tyre dhe të çdo demokrati.
“Para se të bisedoja me ju takova shtrëngova dorën u ula e bisedova me kryetarin e grupit parlamentar Enkelejd Alibeajn e zotin Gazment Bardhi. Nuk ishte vetëm shtrëngim duarsh ishte dhe diskutim për problemin. Në këtë diskutim kërkova angazhimin e tyre në procesin e bashkimit të PD, kontributin e tyre dhe të çdo demokrati. Mund të them se i gjeta të preokupuar për këtë proces por diferencat në mendime ekzistojnë.
Berisha u shpreh se një detyrim i të gjithë drejtuesve aktualë, është të dialogojnë, debatojnë, të diskutojnë në grupin parlamentar të PD. Sipas tij, Komisioni i Rithemelimit të PD, ka besim të plotë tek grupi parlamentar i kësaj partie e mesazhi më i mirë që mund të përcjellin deputetët e PD është normalizimi i plotë i jetës së këtij grupi në interesin më të mirë të bashkimit të PD.
Ajo çka gjykoj unë është një detyrim i të gjithë drejtuesve aktualë, është të dialogojnë, debatojnë, të diskutojnë në grupin parlamentar të PD. Komisioni i Rithemelimit të PD, ka besim të plotë tek grupi parlamentar i kësaj partie e mesazhi më i mirë që mund të përcjellin deputetët e PD është normalizimi i plotë i jetës së këtij grupi në interesin më të mirë të bashkimit të PD dhe interesit më të mirë të vendit. Kam me dhjetëra mesazhe nga më interesantet, por midis tyre do veçoj mesazhin që demokratët më dërgojnë “sot është një ditë e mirë për Shqipërinë, për demokratët dhe nuk është një ditë e mirë për Edi Ramën” – tha Berisha.
