Katër ambasadorë kanë mbërritur pak më parë në zyrën e kryedemokratit Lulzim Basha.
Mësohet se ky i fundit po zhvillon një takim me të ngarkuarën me punë e SHBA-së në vendin tonë, Leyla Moses-Ones, ambasadorin e BE-së, Luigi Soreca, të Britanisë Duncan Norman dhe të Gjermanisë Peter Zingraf.
Kujtojmë që ditën e djeshme banorët e Unazës së Re i kanë dërguar letër të hapur përfaqësueses së diplomacisë amerikane në Shqipëri, Leyla Moses.
Në letër shkruhet se banorët do t’i mbrojnë shtëpitë e tyre pasi në bazë të ligjit tenderi është i korruptuar dhe askush nuk mban përgjegjësi.
Gjithashtu, banorët kanë kërkuar ndihmën e Moses pasi shteti po shkel të drejtat e tyre.
