Teatri Kombëtar i Operas dhe Baletit, në kuadër të 75 vjetorit të Çlirimit, propozon një ngjarje të rëndësishme muzikore: “Rrok’e Agimin”; një gërshetim i orkestrës simfonike me bandën elektrike, një takim vokalesh lirikë e të muzikës pop.
Koncerti i cili do të mbahet mbrëmjen e 29 nëntorit, është ndërtuar me këngë partizane, me përpunime dhe risjellje të këtyre këngëve prej autorëve të rëndësishëm që pasqyrojnë epopenë e Luftës Çlirimtare.
Programi përmban krijimtari të kompozitorëve të luftës e pasluftës, të cilët i kënduan lirisë dhe rindërtimit të vendit, të rrënuar nga Lufta e II-të Botërore.
Kolonat zanore të disa filmave me tematikë nga rezistenca e popullit kundër pushtuesve nazifashistë, janë gjithashtu pjesë e repertorit të kësaj mbrëmjeje të veçantë, ku bashkohet krijimtaria e Çesk Zadesë, Kujtim Laros, Aleksandër Lalos, Feim Ibrahimit, Limos Dizdarit, etj, me frymën e orkestracioneve bashkekohore të emrave si Alfred Kaçinari e Gerti Druga, si edhe interpretimit të emrave të rinj, si Gjergj Kaçinari apo Kamela Islamaj.
Ky 75 vjetor i Çlirimit përkon edhe me 100 vejtorin e lindjes së Kostandin Trakos.
https://www.facebook.com/299565310196663/posts/1410269992459517?sfns=mo
