Ministri i Brendshëm Sajmir Tahiri u shpreh se mbështetja e qeverisë për Policinë e Shtetit duhet të kthehet në shërbim për qytetarët.
Në komisariatin 3 të Tiranës, Tahiri preznatoi vendimin e qeverisë për rritjen e pagave për policinë.
Tahiri nuk la pa përmendur edhe vendimin që i vjen në ndihmë pononjësve të policisë në rast fatkeqësish.
“Ndaj është shumë e rëndësishme që e gjithë mbështetja që iu kemi dhënë, të kthehet në punë më shumë, në shërbim më shumë, në detyra më shumë, në përgjegjësi më shumë. Ndaj është shumë e rëndësishme që qytetarët të ndihen më të fortë, më të mbrojtur e më komodë, duke pasur punonjësit e policisë në shërbim dhe në mbrojtje të tyre.
Nga ana tjetër po dje, qeveria ka miratuar një vendim shumë të rëndësishëm për t’u solidarizuar dhe për të ndihmuar çdo punonjës policie që ka pasoja nga përballja e tij me luftën kundër krimit. Një punonjësi policie të cilit i shkatërrohet prona për shkak të detyrës, qeveria dhe shteti merr përgjegjësinë ta dëmshpërblejë lek për lek. Qeveria dhe shteti merr përsipër, në mënyrën më solidare, përgjegjësinë t’i gjendet në krah punonjësit të policisë“, tha Tahiri.
