Gjykata e Krimeve të Rënda ka dhënë sot masën e sigurisë “arrest shtëpie” për ish-ministrin e Brendshëm, Saimir Tahiri.
Pak minuta pas këtij zhvillimi të befasishëm ka reaguar edhe kreu i qeverisë, i cili thotë se vendimi nuk duhet komentuar por thjesht duhet respektuar.
“Vendimi i sotëm për Saimir Tahirin nuk komentohet, thjesht respektohet si një e drejtë e organeve të drejtësisë, të cilat i detyrohen vendit e botës një proces të pavarur, transparent e me integritet të plotë kushtetues e profesional, duke garantuar drejtësi jashtë çdo influence politike, mediatike a diplomatike”, ka shkruar Rama në Facebook.
