Ish-ministri i Brendshëm, Saimir Tahiri, ka falenderuar të gjithë punonjësit e Policisë së Shtetit, të cilët siç shprehet ai, i dhanë krenari Policisë.
Përmes një video të publikuar në Facebook, Tahiri shprehet se për punën dhe përkushtimin e tyre nuk është krenar vetëm ai.
“Nuk kam aq fjale sa te falenderoj sa duhet secilin prej jush per mbeshtetjen, por kam aq fuqi sa mos e harroj kurre e te perulem gjithmone me respekt.
Kam punuar kaq kohe e sot kam plot arsye te jem krenar per Policine e Shtetit.
Per vajzat dhe djemte, burrat dhe grate qe nuk kane mundesi mjaftueshem ta thone publikisht sa shume mundohen per vendin tone.
Sot flet puna e secilit prej tyre.
Sot pas cdo uniforme, ka njerez te shkelqyer qe sherbejne me pasion.
Ka pune plot perpara, por kthim pas nuk do kete dot.
I falenderova per gjithcka kane bere e per gjithcka jane ne gjendje te bejne sot e gjithmone. E do i falenderoj gjithmone.
FALEMINDERIT te gjithe djemve dhe vajzave, grave dhe burrave qe i dhane krenari Policise se Shtetit.
Sot ia vlen me shume se kurre, dhe nuk jam i vetmi qe jam krenar me ju #BRAVOCUNAEGOCA
#POLICIAQEDUAM”, shkruan Tahiri.
