Dy shtetaset u arrestuan për akuzën e ushtrimit të prostitucionit në disa hotele në Tiranë
Ministri i Brendshëm Saimir Tahiri ka urdhëruar nisjen e hetimeve për policët që publikuan fotografitë e dy femrave që u arrestuan për ushtrim prostitucioni. Pas urdhërit të ministrit të Brendshëm, Drejtoria e Standarteve në Policinë e Shtetit që prej ditës së djeshme ka nisur hetimet për identifikimin e punonjësve të policisë të cilët kanë shkelur rregulloren duke nxjerr fotografitë. Fotot e dy shtetaseve të arrestuara janë bërë në Drejtorinë e Policisë së Tiranës dhe janë shpërndarë për mediat nga efektivët e Policisë së Shtetit.
Arrestimi i dy shtetaseve për akuzën e ushtrimit të prostitucionit u bë gjatë operacionit policor të koduar ‘’Mustang’’. Gjatë këtij operacioni u arrestuan edhe 5 persona të tjerë me akuzën e shfrytëzimit për prostitucion pas një hetimi 9 mujor.
