Deputeti i PDIU-së, Tahir Muhedini, e ka përgënjeshtruar deputetin socialist, Ben Blushi dhe bashkëpunëtoren e tij Mimoza Hafizi lidhur me firmosjen e propozimit për zgjedhjen e presidentit nga populli. Deputeti i PDIU-së tha në sallën e Kuvendit se Blushi e Hafizi kanë abuzuar, kur kanë deklaruar se propozimi ishte firmosur edhe nga Muhedini.
“Nuk është e vërtetë që kam firmosur një propozim të tillë”, është shprehur Muhedini. Kjo deklaratë e Muhedinit ka nxjerrë zbuluar deputetin Blushi, i cili flet me arrogancë nga foltorja e Kuvendit, pasi ka deklaruar bashkë me Hafizin se ka firmosur edhe deputeti i PDIU-së Muhedini.
Deklarata e Muhedinit duket si një fakt më shumë për ata që e akuzojnë Blushin për plagjiaturë. Në fakt, Blushi është akuzuar shpesh për plagjiaturë edhe nga politikanë të tjerë si ish-kryeministri Berisha, i cili tha pak kohë më parë se librat e Blushit janë dorëshkrime të gjyshit të tij, ndërsa shkon më tej kur e akuzonte se gjyshi i tij ia kishte vjedhur Lef Nosit.
