Komisioni i Disiplinës ka marrë në shqyrtim çështjen e Pashk Laskës, presidentit të Laçit që nuk e ka për herë të parë ballafaqimin me vendimet e këtij komisioni.
Laska është dënuar për sjellje të gabuar ndaj zyrtarëve të ndeshjes Laçi-Teuta 1-1, teksa është dënuar me 8 javë pezullim. Por, vetë disiplinori ka vendosur ta zbusë dënimin, duke e përgjysmuar atë në 4 javë dhe duke e lënë në provë Laskën për një periudhë 6-mujore.
Vendimet e disiplinës
1. Zyrtari i KF Laçi, Pashk Laska, për sjellje të gabuar ndaj zyrtarit të ndeshjes, në bazë të nenit 48/2/a.të KDS, dënohet me 8 (tetë) ndeshje pezullim nga aktiviteti. Në zbatim të nenit 19 të KDS, zyrtarit i ndalohet hyrja dhe qëndrimi në dhomat e zhveshjes, stolin e rezervave dhe territorin përreth fushës.
2. Në zbatim të nenit 32 të KDS, pezullimin e pjesshëm te ekzekutimit të dënimit duke shlyer detyrimisht gjysmën e duke vendosur zyrtarin ne provë për një periudhë 6 (gjashtë) mujore.
3. Kundër vendimit lejohet ankim brenda 3 (tre) ditëve përpara Komisionit të Apelit.
