Situata në veri të Kosovës nuk është fortë e qetë pas sulmeve ndaj policisë në Ujman. Në lidhje me këtë çështje ka reaguar edhe Shefi i EULEX-it në Kosovë, Lars-Gunnar Wigemark, Përmes një postimi në Twitter, ai nënvizon se këto sulme përveçse janë të rrezikshme, janë akte kriminale që duhet të ndërpriten menjëherë. Wigemark thekson se EULEX do të shtojë patrullimet në zonë me qëllim rritjen e sigurisë.
“Të shtënat e sotme në liqenin e Gazivodës/Ujmanit janë edhe një sulm me armë zjarri ndaj Policisë së Kosovës. Askush nuk u lëndua, por këto sulme jo vetëm që janë të rrezikshme, janë akte kriminale dhe duhet të ndërpriten menjëherë. EULEX-i do t’i shtojë patrullimet e saj në zone”, ka shkruar Wigemark. Më herët reagoi edhe kryeministri Kurti, i cili tha se këto janë veprime të bandave kriminale serbe.
