Pas ngjarjeve në SHBA ku mbetën të vrarë 29 persona në El Paso dhe Ohio ka reaguar edhe kreu i opozitës Lulzim Basha.
Nëpërmjet një statusi në Twitter, Basha shprehet i tronditur dhe dënon sulmet burracake.
“Jam thellësisht i tronditur nga sulmet burracake dhe humbja e jetëve të pafajshme në El Paso dhe Ohio. Mendimet dhe lutjet e mia janë me familjet e viktimave dhe me të plagosurit. Shqiptarët në të gjithë botën qëndrojnë përkrah miqve tanë amerikanë dhe lutemi për familjet dhe të dashurit e tyre”, shkruan në gjuhën angleze Lulzim Basha.
