Dy shpërthime të fuqishme dhe disa të shtëna me armë zjarri kanë ndodhur në aeroportin Ataturk të Stambollit. Ngjarja ka ndodhur mbrëmjen e së martës, rreth orës 22:00 sipas orës lokale. Mësohet se nga sulmet kamikaze ka shkuar në 36 numri i viktimave dhe kanë mbetur të plagosur mbi 147 persona të tjerë.
Ndërkohë kryeministri turk Binali Yildirim ka urdhëruar mbledhje urgjente për situatën. Ai një një konferencë shtypi pas mesnatës tha se të plagosurit janë në gjendje të rëndë. Ndërkohë kryetari i Stambollit, Vasip Sahin tha se tre sulmuesit vetëvrasës hapën zjarr me armë automatike para se të hidhnin veten në erë.
Presidenti turk Recep Tayyip Erdogan dënoi me fjhalë të rënda sulmin e së martës mbrëma ku u shpreh se “Sulmi kishte për qëllim minimin e Turqisë me vrasjen e njerëzve të pafajshëm. Është e qartë se ky sulm nuk synonte asgjë tjetër vetëm krijimin e një materiali propagandistik kundër vendit tonë duke shfrytëzuar gjakun dhe dhimbjen e njerëzve të pafajshëm”. Ai gjithashtu shtoi se pret që bota të mbajë “qëndrim të vendosur” kundër grupeve terroriste.
Të gjitha fluturimet janë pezulluar. Autoritetet më pas lejuan uljen e avionëve që po fluturonin mbi qytet, ndërsa të gjitha fluturimet tjera u drejtuan në të tjera aeroporte.
Pictures supposedly from Istanbul airport
From social media, sources unknown
