Të paktën një person ka humbur jetën dhe tetë të tjerë janë plagosur pasi një kamion përplasi një turmë besimtarësh pranë një xhamie në Londër.
Ngjarja ka ndodhur pak pas mesnate në parkun Finsbury në veri të Londrës.
Policia metropolitan e Londrës ka arrestuar një 48 vjeçar në vendin e ngjarjes të dyshuar si autorin e këtij sulmi raporton CNN.
Në një deklaratë për mediat, krybashkiaku i Londrës, Sadiq Khan e konsideroi incidentin një sulm terrorist të çmendur.
“Ne ende nuk i dimë detajet e plota, por ky është e qartë që është një sulm i qëllimshëm ndaj londinezëve të pafajshëm, shumë prej të cilëve po mbaronin lutjet gjatë muajit të shenjtë të Ramazanit”, tha Khan.
