Një stuhi e madhe ka goditur këtë të dielë zona në Francë, Spanjë dhe Itali.
Disa qytete janë përmbytur si pasojë e rreshjeve të shumta të shiut të cilat kanë ngritur ndjeshëm edhe nivelet e ujit. Mësohet se të paktën 140’000 shtëpi në Francën jug-perëndimore kanë mbetur pa energji elektrike.
Pasoja të rënda ka sjellë edhe era e fortë duke bërë që shumë pemë të rrëzohen dhe kjo ka çuar në bllokimin e rrugëve.
Në qytetin Bask, shpejtësia e erës arriti deri në 100km/në orë dhe shumë komunitete të vendit janë ende nën alarmin portokalli.
Një grua 37-vjeçare në Mallorca ka gjetur vdekjen teksa një palmë ra mbi të si pasojë e erërave të forta.
Ndërkohë, në Itali është njoftuar se kjo ishte përmbytja më e keqe që është parë ndër vite dhe se shumë njërëz janë evakuuar për sigurinë e tyre.
Si pasojë e shirave të rrëmyeshëm dhe përmbytjes së Vara një numër i madh familjesh në Itali janë evakuuar nga fshati i Sesta Godono. Ndërkohë 60 persona kanë mbetur të izoluar në shtëpitë e tyre në San Pietro pasi një pjesë e rrugës së vetme pranë banesave të tyre është shkatërruar plotësisht.
Tashmë më e keqja e stuhisë ka kaluar, por shumë rajone janë akoma në gatishmëri për pasojat.
