Dëme të mëdha janë shkaktuar në Lezhë dhe në Shëngjin si pasojë e një stuhie me shi dhe erë të fuqishme.
Pemë të thyera, makina të dëmtuara, cadra dhe shezlone të shkatërruara janë disa nga pasojat që ka lënë pas stuhia që preku këtë bregdetin e Shëngjinit.
Si pasojë e stuhisë dhe motit të keq janë shkaktuar dëmtime në rrjetin e energjisë elektrike ndërsa qyteti dhe një pjesë e madhe e fshatrave të Lezhës nuk furnizohen me energji.
Dëmtime kanë pësuar edhe disa linja tension të mesëm dhe rajonet më të prekura nga defektet janë Burreli, Shkodra dhe Durrësi. Punonjësit e OSHEE ndodhen në terren për riparimin e defekteve dhe kthimin e energjisë elektrike.
