Studimi i Këshillit Ndërkombëtar të Infermierëve tregon se 1500 infermierë në 44 shtete të ndryshme kanë humbur jetën si pasojë e infektimit me koronavirus.
Kjo shifër është po aq e lartë sa vdekjet e infermierëvë gjatë Luftës së Parë Botërore e cilia zgjati 4 vjet.
Drejtori i Këshillit të Infermierëve, Howard Catton, u shpreh se “është e tmerrshme që gjatë luftës me koronavirusin kanë humbur jetën po aq mjekë dhe infermierë sa në Luftën e Parë Botërore”. Ai e ka quajtuar një skandal faktin që spitalet nuk kanë të dhëna për infektimet e stafit të tyre.
Catton, gjithashtu shtoi se numri i vdekjeve mund të jetë më i lartë pasi ata nuk kanë informacion për të gjitha vendet e botës.
Kujtojmë se pandemia botërore ka prekur më shumë se 47 milionë persona dhe ka marrë 1.2 milion jetë njerëzish.
