Studentët dhe aktivistët e Lëvizjes për Universitetin kanë protestuar sot përpara ministrisë së Arsimit, ku kërkojnë dorëheqjen e ministres Evis Kushi.
Studentët kanë hedhur bojë mbi këtë godinë, ndërsa i janë drejtuar ministres Kushi, se të protestosh nuk është krim, duke vijuar se “krim dhe kriminale janë tentativat për të përndjekur të miturit nëpër shkolla”.
Të rinjtë shprehen se sistemi arsimor në vend po shkon drejt rrënimit, ndërsa mundësinë për t’u shkolluar e kanë gjithnjë e më shumë të pasurit.
“Për fyerjen ndaj të rinjve dhe gjithçka që shkon mbrapsht në shkollat tona, ministria që ju përfaqësoni meriton të njolloset dhe ju vetë të dorëhiqeni”.
