Reperi Arkimed Lushaj, i njohur me emrin e artit Stresi ka folur për protestën e 8 janarit në selinë e Partisë Demokratike. Në një intervistë për mediat, Stresi thotë se protestuesit mund të hynin në seli dhe mund të hidhnin nga kati i dytë të gjithë personat brenda ambienteve të saj, pa përjashtim.
Për herë të parë, ai ka falënderuar Policinë e Shtetit për ndërhyrjen, pasi sipas tij, në të kundërt protesta do të kishte degraduar më tej.
“Në fakt kësaj radhe dua ta falënderoj shtetin sepse ka ndërhyrë në një moment shumë të rëndësishëm. Po mos të kishte ndërhyrë shteti ne do hynim aty dhe do i hidhnim nga kati i dytë të gjithë pa përjashtim. Edhe ata që nuk janë larë nga dy muaj…janë patriot të mi nga Tropoja. Njerëz që pasi ikin nga PD-ja ikin dhe luajnë bixhoz gjithë natën pijë aklool, pinë drogëra.
Këta janë mbështetësit e Lulzim Bashës. I them drejtpërdrejt me këta mbështetës që ke nuk do arrish asgjë sepse i dimë se çfarë niveli janë ata. Të shohësh pastaj nivelin tonë ka lezet, është ylli në ballë. Po të kishim hyrë në kat të dytë sot do qeshte e gjithë bota me ne dhe herës tjetër i këshilloj të mos hyjnë në katin e dytë. Kësaj radhe edhe tanket le ti vendosin në derë, popullit do jetë më mirë i organizuar se vetë shteti” – u shpreh Stresi.
