Policia italiane ka vënë në dispoziocion të qytetarëve një shërbim online për të denoncuar fenomenin e lojës tragjike “Balena blu”.
Me anë të një butoni të emërtuar “Stop Blue Whale” në portalin zyrtar të policisë italiane jepen informacion mbi mënyrën e zhvillimit të kësaj loje, këshilla praktike për prindërit e fëmijët si dhe denoncimin e rasteve të dyshuara.
Gjatë 2 javëve të fundit, policia italiane ka zbuluar 4 raste të rinjsh të përfshirë në këtë lojë tragjike në qytetin e Bolonjës.
Në të gjitha rastet e e zbuluara deri më tani në Itali të gjithë të rinjtë kanë hyrë në kontakt me këtë lojë me anë të internetit e rrjeteve sociale Facebook dhe Whastapp.
Loja “Blue Whale Challenge”, e lindur në Rusi është e frymëzuar nga historia e balenave blu që zgjedhin të vdesin duke dalë në breg të detit. Në ditën e fundit lojtarëve u kërkohet të kryejnë vetëvrasje.
Raportohet se janë kryer më shumë se 100 vetëvrasje nga adoleshentët lidhur me këtë lojë ndërsa nuk është gjetur asnjë dëshmi direkte.
