I ftuar në emisionin “Mirëmëngjes Shqipëri” të gazetarit Enkel Demi në RTSH, anëtari i Këshillit Kombëtar të PD, Edvin Kulluri tha se ai nuk do të largohet nga kjo forcë dhe se Basha nuk do ta shkatërrojë dot partinë.
“Unë nuk do të largohem nga Partia Demokratike. Halli i madh në PD është binomi Rama- Basha në krye të Partisë Demokratike. Basha nuk e shkatërron dot PD”, tha ai.
Duke folur mbi Statutin e PD, Kulluri deklaroi se kryedemokrati ka vepruar me nxitim duke organizuar një proces fasadë. “Basha ka një nxitim të frikshëm dhe të pakuptueshëm. Statuti i ri është shpërndarë vetëm 5 orë para. E bëri nën moton: “M’ka çu nana me la gojën”, deklaroi Kulluri.
Sa i përket integrmit të Shqipërisë, Kulluri thotë se drejtësia në Shqipëri është përkeqësuar.
“Ne do integrohemi në BE kur të jemi të gatshëm për të qenë pjesë apo vend kandidat, por unë mendoj se në këtë vend nuk sundon ligji, prona private është e goditur, krimi i organizuar ka kapur majat më të larta, mendoj se rregulli i ligjit është i përkeqësuar në raport me atë që ishte. Kjo reformë në drejtësi është shndërruar në gjueti shtrigash të pakuptimtë”, u shpreh Kulluri.
https://youtu.be/sybSuGRwUYI
