Regjistrat e tatimeve, 91 mijë biznese “pasivë”
Gati gjysma e bizneseve në vend kanë rezultuar me statusin pasiv. Në një selektim që Drejtoria e Përgjithshme e Tatimeve ka bërë në rregjistrin e tatimpaguesve ka rezultuar që 91 mijë biznese me këtë status, që do të thotë se ka mbi tre vjet që nuk paguajnë detyrime tatimore. Nga një verifikim që i është bërë regjistrit tatimor, Banka Botërore ka gjetur në fillim të vitit 2014 se, rreth 28 për qind e bizneseve janë joefektive. Por, tani kur Drejtoria e Përgjithshme e Tatimeve ka nisur publikimin e regjistrit pasiv të bizneseve, ku rezulton se gjysma e tyre janë fiktivë, pasi kanë më shumë se tre vite që nuk kanë paguar detyrimet dhe kanë kaluar me status pasiv. Pastrimi i regjistrit nga bizneset joefektive shihet si një masë e parë anti-evazion.
